原載：http://ddecent.blogspot.com/

其一　煩惱篇
男兒膝下一片天　父母教落勿自貶
可惜而家世界變　溝女似打消耗戰
先決條件唔要面　再來將身家奉獻
LV Gucci加金鍊　將你搓圓又撳扁
你話咁樣唔自然　佢話佢愛風度翩
爭在未將佢刊憲　問佢又有咩優點
佢話識煮公仔麵　仲可以幫你洗錢
幾十歲人紮孖辮　你話唔靚聽失眠
奪命追魂將你纏　call到你部機出煙
到了提親那一天　禮金不減一個仙
豪門夜宴少不免　計落樣樣都係錢
多年積蓄係咁先　此後為奴序幕掀
六道輪迴幾十年　如此境況甚普遍
成齣文藝悲情片　生為港男甚可憐
命比草芥更還賤

其二　解脫篇

終於等到回歸年　陸續開放關陲邊

北方佳麗數萬千　娉婷綽約風姿展

翦水雙瞳藏千言　呵氣如蘭在唇邊

肌膚勝雪紅粉現　吹彈得破軟如棉

人間仙境今得見　姻緣就此一線牽

港男美夢終實現　守得雲開見青天