|
二少~brabra廠老闆仔
心思版主
- UID
- 34945
- 威望
- 0
- 金錢
- 173
- 心意
- 143 份
- 性別
- 男
- 來自
- HONGKONG
|
轉貼 : 太過份d 人 !!甘殘害狗狗
好多謝大家既關心, 咁遲先update 大家真係唔好意思.....
星期六去左vet 度, 其實佢同我地講既同我朋友cia 講既大致上相同, 不過, 親眼見到呢隻小可愛, 感覺真係深深深好多.....
vet 話估計佢呢個抽搐已經係狗瘟過後既後遺症, 眼鼻又無異常分泌(個鼻仔仲好靚, 又黑又亮, 眼仔碌碌, 眼睛又圓又大, 個咀又靚, 個樣好似西施仔咁, 我地成班義工都覺得佢係mix 左細種狗狗的, 大個仔左都未必會好大隻), 睇埋d 牙仔(happy有牙仔的, 可能因為唔夠營養, 所以出唔到黎) 確定而家唔係帶狗瘟菌, 但係抽搐既情況將來會唔會減輕, 佢既腦神經侵蝕情況將來會唔會更壞, 呢個vet都唔敢去保證.
vet 話happy又未抽到訓唔到, 食唔到, 所以都唔建議咁快就放棄佢(yeah!), happy仔可以自己企到起身(但只係短時間)去大小便, 食野, 飲水都ok, 佢果日仲成日表演起身飲水俾我地睇tim! 好叻仔架佢! 消化系統無問題, 仲食到好多野! 而家vet 建議俾佢食返好d, 養返一個月, 等佢身體強壯一點先再check 身體其他地方可以點醫, 如果而家check, 佢可能咩都唔掂, 身體都未必受到咁多治療. 而家眼見到最嚴重既只係抽筋既情況, 同埋皮膚病, 係真菌感染, 我果度未必可以完全隔離到happy同我本身既小朋友, 正煩惱緊既時候, 有一位好好心地既vivi姐姐提出佢可以幫手暫養住happy仔到佢皮膚病好返, 因為而家佢未有狗狗, 唔怕會傳染到俾其他狗狗, 真係thank god! 而前腳, vet 話就咁睇似係個 '骹位' 有問題, 要遲d 等佢身體再好一d, 先同佢照x-ray 睇下做唔做到手術.
你地睇返個video, 其實到現時為止, vet 都唔敢講話太樂觀的, 你地見到happy仔成日好似跳舞咁, 就係狗瘟過後既後遺症了, 佢而家咁抽搐係已經食左藥好左既情況, 如果停左藥, 佢一定係更辛苦的!
見到happy果一刻, 我感覺到happy俾緊一個好強既訊息, 就係佢見到我地好開心, 好想親親人, 好想有人鍚.......佢好想好想開開心心咁生活落去! 我地打開個籠, 佢係咁想爬出黎, 落地去親親探佢既每一位朋友, 佢側側頭咁去望我地每一個人, 好想去表達佢開心興奮既心情, 我地同佢講, 唔止咁多個哥哥姐姐鍚係, 仲有好多關心你既哥哥姐姐o係出面同你打緊氣! happy 果刻係咁望住我, 我唔識動物傳心術, 但我感覺到佢係好開心, 好感謝我地, 養左幾年狗狗, 從狗狗既眼神, 都睇到happy仔想講咩既....happy仔既眼神係溫柔善良的, 好精靈, 對世界好好奇, 佢對眼好似有好多野想同你講咁.....想探佢既哥哥姐姐, 等happy仔出左院, 隨時welcome!
想再see請看此網頁http://hk.myblog.yahoo.com/stmwendy
|
